Med enkel og rett behandling kan ein redusere rehabiliteringsfasen betydeleg. Målsetninga med rask behandling av akutte skader er så langt som mogeleg å avgrense bløding og førebygge og lindre smerter, for på den måten gje betre vilkår for vidare behandling og tilheling av skaden.

 

Rask igangsetting
Tiltak for å avgrense bløding etter skade er tradisjonelt kalla ICE-behandling, eit engelsk akronym for nedkjøling, kompresjon og elevasjon. Det er viktig at behandlinga vert sett i verk snarast råd. Avlast ankelen fullstendig. Dekk foten med eit lag elastisk bind, legg på ispose og deretter ein stram bandasje utanpå isposen. Ikkje bruk uelastisk bind i akuttfasen! Haldt deretter foten høgt, over hjertehøgd.

 

Å kjøle ned skadestaden gjev først og fremst ei lindrande effekt, men har også ei mindre rolle for å senke blodgjennomstrøyminga i skadestaden. Snø, kaldt vatn eller ein pose med grønsaksblanding gjer same nytten som ein ispose. Kompresjon fører til at blodgjennomstrøyming minkar med opptil 95%. Dette er den viktigaste faktoren for å redusere hevelsen. Å halde foten høgt er med på å senke blodtrykket i foten og er smertelindrande.

 

Forsett med behandlinga 
Elastisk bind og kuldepakning skal ligge på til etter dusjing. Forsett med ICE som behandling heime. Ideelt bør nedkjøling gjerast i 20 minuttar kvar 4. time dei først 48 timar. (Godt nok med kaldt vatn.) Gjer i alle fall skikkeleg kompresjon med elastisk bind dei 2 første døgna! Så langt som mogleg også elevasjon, gjerne og om natta.

 

P.S Ein nyttar også denne behandlingsforma på andre liknande skadar og støytskadar.